I veke 44 kvart år er det avisveke kring om på skulane. Den veka mottek vi haugevis med aviser. I staden for å kaste desse med ein gong etter ein har løyst dei daglege avisoppgåvene, så sender vi dei i miljøvenleg gjenbruksloop, og foredlar dei om til formingsprodukt.
Avisene har sjøvsagt årelange tradisjonar med å bli måleunderlag for å bevare benkar og bord, men ved fleire høve vert også avisene trylla om til flotte julegåver. I år sikra vi inn avisene til eit samarbeidsprosjekt i første trinn og SFO. Resultatet vart dei flottaste rive-juletre til å henge på veggen, samt at borna både hadde godt arbeid med å klippe ut sine bokstavar til namnet sitt og fekk gratis klippetrening på kjøpet. Nesten som tre gleder i eit Kinderegg...
Også maisboksar vert trylla om til argaste julepynt i vår base.
I år gjekk vi for reinsdyr-Rudolfar i stor flokk. Tidsbruk på desse oppgåvene var kring to timar på kvar aktivitet, inkludert opprigg og nedrigg. Vi hadde då 20 glade born i sving, samt 2 vaksne med kvart sitt sett blekksprutarmar...
|
|
|
Til desse aktivitetane treng du:
Avis-juletreet
- Ei avis, gjerne lokalavisa. (I vårt tilfelle Nyss og Sunnmørsposten)
- Grøn pappkartong i A4-størrelse til å lime treet på
- Litt raud kartong til å lime namn på
- Utstansa snøkrystall som stjerne
- Grillpinne til trestamme
- Kvitt passepartout
- Limpistol
- Limstift
- Saks
Reinsdyr-Rudolf
- Saks
- Skulelim
- Limpistol
- Målepensel
- Ei tom maisboks
- Litt hampetau til sløyfe
- Eitt sett "levande auger"
- Ein raud ponpong til nase
- Brun måling til å måla boksa med
- Litt brun kartong til kropp og tagger på horna
- Litt dacron eller bomull til å fylle ned i maisboksa som snø
- Ein stk. julestokk til kvart reinsdyr (vi kjøpte pakkar på 20 på Europris)
Då er det berre å lime saman delane slik du får trylla fram eit avistre og ein Rudolf i særklasse!
God jul i fjøs og skjul!
.jpg)
