Vi skriv februar, og dermed kjem merkedagane tett som hagl på kalenderen. Samefolket sin nasjonaldag, morsdag, valentinsdag og fastelavn kjem nesten på rekke og rad. For oss i SFO betyr det mange fine høve til å skape stemning, fellesskap og gode opplevingar for barna.
Men må kvar dag ha sitt eige opplegg? Kan vi samkøyre noko av det vi gjer?
Svaret er ja.
Éi grein – mange feiringar
Vi presenterer vrihasselen, vår beste bjørke-erstattar.
Mange er allergiske mot bjørk, og då er det fint å finne eit alternativ som kan stå inne. Vrihassel er dekorativ i seg sjølv og gir eit godt utgangspunkt for ulike uttrykk gjennom heile månaden.
Barna får klippe, velje fargar, forme og bidra. Samtidig opplever dei at det dei lagar blir ein del av fellesskapet og av miljøet rundt dei.
Når barna får vere med og skape noko som blir synleg i rommet, styrkar det både eigarskap og tilhøyrsle. Aktiviteten gir også gode høve til samtalar om tradisjonar, omsorg og det å vise omtanke for kvarandre.
I SFO kan valentinsdag handle om vennskap, inkludering og små handlingar som gjer kvardagen litt varmare.
