I år 2020 er det duka for markering av hundreårsjubileet for hjartegode Anne- Cath.Vestly sin fødsel. Heile dette året vert nok prega av ekstra heider og ære av den høgt elska forfattardronninga som har krype seg inn i hjarterøtene til opptil fleire generasjonar.

Ho var fødd 15. februar 1920,- altså dagen etter sjølvaste valentindagen. Ein kan vel spørje seg om det er tilfeldig at den lille søte dama med det store hjarte kom til verda akkurat kring hjartedagen, men det var det nok truleg. Historia vert berre enda sukkersøtare av å tenkje på det. Det er vel ganske mange som dreg på smilebandet når dei vert minna om den lille mormora med skaut som sat ved vegen og solgte vaffelhjarter og gaula: "Kom og kjøp.- ekte mormors hjemmelagede!" Røra hadde ho forøvrig laga ved hjelp av den svært etterlengta hjulvispen sin som ho hadde kjøpt for sine aller siste kroner. Berre tanken på den historia gjev vatn i munnen, og vi kan formeleg kjenne luka av dei nysteikte vaflane. At det var forfattaren sjølv som spelte hovudrolla i fleire av  filmane var også ganske unikt. Ved vår SFO har vi formeleg kasta oss over mormorbøkene. Rett over gangen i femte trinn har dei forøvrig laga sine eigne "Knertenar". Heilt unike pinnevenar krydra med karsehår,- heilt i tråd med Vestly sine fantasifigurar.

Det er vel likevel litt i overkant av underteikna å påstå at Anne - Cath. var elska av alle, fordi det var ho tidvis faktisk ikkje. Det var opptil fleire kritikarar som mellom anna arbeida i kringkastinga som meinte at den lille store forfattarinna gjekk langt over streken med å formidle usømlege kjønnsrollemønster som heilt greitt, og det toppa seg då ho tok sats og formidla i ei av Ole Aleksander-bøkene sine om korleis babyen bitteliten faktisk vaks i magen til mammaen. Ikkje nok med det, men faren i Aurorabøkene var til og  med heimeverande. Aldeles uhøyrt må vite. I bøkene om Guro i blokk Z var Anne -Cath. også svært framsynt for si tid, der ho lot mamma Erle vere noko så uvaleg som ein kvinneleg vaktmeister. Er det rart at ho vart frykta i samfunnet som forfattar?

Heldigvis så vann ho fram med sine tankar....

Ho har forsynt oss med eit rikhaldig forfattarskap, og eg har intet problem med å anbefale eit retteleg djupdykk. Men vi stoppar opp bitelitt her, og leverer herved pinnevenntipset.

Du treng:

  • Pinner, gjerne driv-ved frå fjøra
  • Måling i ulike fargar, bland gjerne sjølv
  • Litt bomull
  • Karsefrø
  • Limistol

Gjer slik:

  • Mål pinnane akkurat slik du vil. Mål på auger, eller finn eit naturleg fjes på pinnevennen.
  • Bruk limpistolen og lim på bomull på toppen av pinnen
  • Så karsefrø på bomullen
  • Hugs å vatne "karsehåret

 

Ha ein hjarteleg fin valentinsdag, og eit supert jubileumsår i  Anne Cath. Vestly si ånd og vidunderlege forfattarrike!

Hjarteklemmer frå Janne og Co` ved Hundeidvik Privatskule & SFO

Les også

Caprino i hundre, og dukker fri for tåfis!

Det florerer av jubileumsmarkeringar av kreative folk i år. Storhendingane kjem som perler på ei snor, og vi såkalla alminnelege får rett og slett berre servert lukka regelrett på sølvfat. I denne saka skal vi konsentrere oss om filmressigøren Ivo Caprino som var fødd 17. februar 1920, og som er mannen bak "levandegjeringa" av ein haug dukker i si eventyrlege verd gjennom tidene.

Les mer >>

Stjerner av ispinner

Det trengs ikke så mye utstyr for å lage disse flotte, dekorative stjernene. Det kan f.eks bli en flott vindusdekorasjon.

Les mer >>

Kunstutstilling ved Cicignon SFO

Hva kan vi gjøre som er gøy i disse smittevernstider? Kan vi invitere foreldre, besteforeldre, søsken på noen måte slik at de kan komme på besøk og se hva SFO barna våre faktisk får til?

Les mer >>

Barneveiledaren - ein sjølvlysande unik blekksprut!

Har de nokon gong tenkt på det? Ikkje?Ikkje vi heller eigentleg, før tanken berre la seg der. Det er no vel ikkje noko som er meir sjølvsagt å samanlikne barneveiledaren med enn ein blekksprut!

Les mer >>

Å lage dukkeansikter

Dukkeansikter som kan brukes til mange varianter av dukkekropper.

Les mer >>

SFO City

Aina Østby er fagarbeider ved Sand SFO i Nord-Odal kommune. Hun ble spurt av SFO-leder om hun kunne male en bilvei på bordet som barna bruker til lego. Ideene strømmet på, og etter hvert ble det en liten by, som barna døpte SFO City.

Les mer >>

Verdsdagen for Downs syndrom og Vaffeldagen hand i hand!

Det at verdsdagen for Downs syndrom 21.mars og Vaffeldagen 25.mars ligg tett som hagl på kalendaren kom meir som ein gåvepakke for oss ved Hundeidvik Privatskule sin SFO i år.

Les mer >>

Gamle gode gåveboksar

Desse nostalgiske oppbevaringsboksane for julepynt er det super-Sølvi frå Hundeidvik private SFO som har utarbeida! Kjempeflotte,- ikkje sant?

Les mer >>

Nydelige høstblader

Sommeren er over og høsten banker på døren. Nå er det bare å ønske krystallklare dager velkommen. Denne gangen lager vi høstbladene selv. Fargerike og flotte.

Les mer >>