Kva skjer dersom ein som lever og åndar for musikk, ei som nettopp har pussa opp med fliser, ei som tilfeldigvis oppdaga lyslenkjer til ti kroner på Europris – og fleire som er gode på å samle, sortere og halde oversikt over dei rette skattane på lageret, samlast? Jau… då oppstår det magi. Og denne gongen enda det i magiske lysglimtglas!
Lyst å lage? Du treng:
- Tomme sylteglas eller tacoglas
- Noteserviettar, gjerne av fleire slag
- Decoupagelim
- Lyslenkjer eller elektriske telys
- Litt band til å knyte kring glaset
- Små kjøkkenfliser som lysglimtet kan stå på.
|
|
Gjer slik:
- Klipp ut notefigurane.
- Bruk fingeren og dytt dei forsiktig fast til glaset.
- Lim på same måte dekor på flisa. (Decoupagelimen vert blank når den tørkar!)
- Knyt på ei lita sløyfe rundt glaset.
- Ta på dei finaste dådyrauga og tiggarrøysta – og spør rektor om batteri til lyslenkjene.
VOILA – og god, lysande adventstid!
Varm helsing
Små og store ved Hundeidvik SFO
